लोहमार्ग-वाघोली : गणेशोत्सवाच्या पार्श्वभूमीवर भाजपा युवा मोर्चा हवेली तालुक्याचे अध्यक्ष अनिल भाऊ सातव पाटील यांनी लोहमार्ग वाघोली परिसरातील विविध गणेश मंडळांना भेट देऊन बाप्पाचे दर्शन घेतले. यावेळी त्यांनी मंडळातील पदाधिकारी, कार्यकर्ते आणि नागरिकांशी संवाद साधत गणेशोत्सवाच्या मंगलमय शुभेच्छा दिल्या.
भेटीदरम्यान मंडपांमध्ये उभारलेल्या आकर्षक सजावटी, पारंपरिक व आधुनिक थीमवर आधारित मूर्ती, तसेच सामाजिक संदेश देणाऱ्या उपक्रमांचं अनिल भाऊंनी विशेष कौतुक केलं. स्थानिक तरुण मंडळांनी केलेल्या शिस्तबद्ध व्यवस्थेची त्यांनी प्रशंसा केली आणि समाजहिताचे उपक्रम राबवण्याबाबत मंडळांना प्रोत्साहन दिले.
गणेशोत्सव हा एक नवीन आनंद, उत्साह आणि नवचैतन्य घेऊन येतो. या पर्वामुळे समाजात बंधुभाव, एकोपा आणि संस्कृती जिवंत राहते, असं मत त्यांनी व्यक्त केलं. मंडळातील कार्यकर्त्यांशी साधलेल्या संवादातून त्यांनी सामाजिक कार्य, पर्यावरणपूरक उपक्रम आणि सार्वजनिक सहभागाचे महत्त्व अधोरेखित केले.
या भेटीदरम्यान स्थानिक नागरिकांनी त्यांचे स्वागत करत त्यांच्याशी गणेशोत्सवाशी निगडित अनेक अनुभव आणि परंपरा शेअर केल्या. अनिल भाऊंनीही लोकांच्या अडचणी जाणून घेत त्या सोडवण्यासाठी नेहमीच तत्पर राहण्याचे आश्वासन दिले. गणेशोत्सव हा केवळ उत्सव नसून, भक्ती, संस्कृती आणि समाजसेवेचं प्रतीक आहे – अनिल भाऊ सातव पाटील
