पोलीस सूत्रांनी दिलेल्या माहितीनुसार, शुक्रवारी संध्याकाळी सुमारे ५ वाजता शेळके वस्तीजवळ हा अपघात झाला. हे दांपत्य आपल्या कारने पुणे-सोलापूर राष्ट्रीय महामार्गावरून घरी जात होते. शेळके वस्तीजवळ पोहोचल्यावर, एका अनियंत्रित बल्करने त्यांच्या कारला जोरदार धडक दिली. धडकेमुळे कारचे मोठ्या प्रमाणात नुकसान झाले.
स्थानिक रहिवाशांनी त्या दोघांना तात्काळ कारमधून बाहेर काढले आणि उपचारासाठी रुग्णालयात दाखल केले. परंतु, सारिका गायकवाड यांना गंभीर दुखापत आणि रक्तस्त्रावामुळे उपचार मिळण्यापूर्वीच मृत्यू झाला. शांतकुमार गायकवाड यांना गंभीर जखमी अवस्थेत रुग्णालयात दाखल करण्यात आले असून, त्यांच्यावर सध्या उपचार सुरू आहेत.
यवत पोलीस ठाण्याचे पोलिस उपनिरीक्षक व्ही. डी. कापरे यांनी घटनेची माहिती दिली असून, पुढील तपास यवत पोलीस ठाण्याचे पोलीस निरीक्षक नारायण देशमुख यांच्या मार्गदर्शनाखाली करण्यात येत आहे.
