पिंपरी चिंचवड | लोकांशी संवाद साधणे हे केवळ जनसंपर्क नाही, तर हृदयातील एक नातं आहे, असे भावनिक शब्द भोसरीचे आमदार महेश लांडगे दादा यांनी आपल्या नागरिकांसमोर व्यक्त केले. गेल्या दहा वर्षांत नागरिकांनी दाखवलेले प्रेम, विश्वास आणि साथ हीच त्यांची खरी ताकद असल्याचे त्यांनी सांगितले.
महेश लांडगे म्हणाले, “गेल्या दशकभरात मी माझ्या पालकांच्या संस्कारांनी आणि नागरिकांच्या विश्वासाने घडलेलो आहे. त्यांच्या प्रेमाची आणि श्रद्धेची परतफेड मी सेवेद्वारे करतोय. मला हे भाग्य लाभले की मी त्याच ऋणात कायम राहू शकतो.”
ते पुढे म्हणाले, “माझा प्रत्येक दिवस नागरिकांच्या जयघोषाने सुरू होतो आणि त्यांच्या आशीर्वादाने संपतो. हे फक्त जनसमुदाय नाही, ही नागरिकांची आपुलकी आणि आत्मीयता आहे, जी मला अखंडपणे काम करण्याची प्रेरणा देते.”
महिला भगिनी, वृद्ध नागरिक आणि तरुण पिढी आपल्या अडचणी विश्वासाने सांगतात, यावर उपाय शोधणे हेच खरे लोकप्रतिनिधित्व असल्याचे त्यांनी स्पष्ट केले. “नागरिकांच्या या विश्वासाला तडा जाऊ देणार नाही. त्यांच्या प्रेमाचा आणि अपेक्षांचा मी सदैव ऋणी राहीन,” असेही दादांनी नमूद केले.
महेश लांडगे दादा हे केवळ लोकप्रतिनिधी नसून, जनतेच्या भावना ओळखणारे आणि त्यांच्याशी जोडलेले नेते आहेत. त्यांच्या नेतृत्वाखाली पिंपरी चिंचवड शहरात अनेक विकासकामे पूर्णत्वास जात आहेत. नागरिकांच्या प्रत्येक हाकेला प्रतिसाद देणारा नेता म्हणून त्यांची ओळख अधिक बळकट होत आहे.
“पिंपरी चिंचवडच्या प्रत्येक नागरिकाशी असलेले माझे नाते हे फक्त राजकारणाचे नाही, तर प्रेम, विश्वास आणि सेवा या तत्त्वांवर आधारलेले आहे. हे बंध कायम दृढ राहतील,” अशा भावना त्यांनी व्यक्त केल्या.
