उत्तर प्रदेश : इंस्टाग्रामवर ‘राज कुमार’ हे खोटे नाव घेऊन हिंदू मुलीशी मैत्री करून फसवणूक करण्याचा प्रयत्न करणाऱ्या मोहम्मद समदला पोलिसांनी अटक केली आहे. समद हा आपल्या मूळ ओळखीचा गैरफायदा घेत मुलीला फसवू पाहत होता. मात्र, संबंधित मुलीने सूज्ञपणे आणि शिताफीने कारवाई करत पोलिसांना पूर्वसूचना दिली होती, आणि समद मुलीला भेटण्यासाठी शाळेजवळ आल्यानंतर त्याला रंगेहाथ पकडण्यात आले.
हा प्रकार लव्ह जिहादसारख्या घटनांच्या संदर्भात गंभीर मानला जात असून, सोशल मीडियावर नाव बदलून खोट्या ओळखीने मुलींशी जवळीक साधण्याचे प्रकार वाढू लागले आहेत. मुलीने वेळेत शंका घेऊन पोलिसांना माहिती दिली नसती, तर या प्रकरणाचे स्वरूप आणखी गंभीर होऊ शकले असते.
सामाजिक माध्यमांवर अनेकांनी या घटनेवर प्रतिक्रिया देताना म्हटले आहे की, “नाव बदलून मैत्री करणं ही फसवणूक असून, अशा प्रकारांना रोखणं गरजेचं आहे. तसंच मुलींनी सतर्क राहून अशा प्रसंगात तडफेने निर्णय घ्यावा.”
या घटनेमुळे पालक, शाळा प्रशासन आणि समाजामध्ये असुरक्षिततेची भावना निर्माण झाली असून, सायबर गुन्ह्यांपासून संरक्षणासाठी अधिक कठोर उपाययोजनांची मागणी केली जात आहे.
