पिंपरी-चिंचवड:
(Farmer Street Initiative) नागरिकांच्या आरोग्याचा विचार करून तसेच सेंद्रिय उत्पादनांना प्रोत्साहन देण्यासाठी आयोजित ‘फार्मर स्ट्रीट’ या उपक्रमाने नागरिकांमध्ये नवा उत्साह निर्माण केला. महापालिका आणि मेसर्स अर्बनली यांच्या संयुक्त विद्यमाने पिंपळे सौदागर येथील लिनियर गार्डन येथे ४ व ५ जानेवारी रोजी दोन दिवसीय भव्य कार्यक्रमाचे आयोजन करण्यात आले.
कार्यक्रमाच्या समारोपप्रसंगी अतिरिक्त आयुक्त प्रदीप जांभळे पाटील यांनी सांगितले की, “सेंद्रिय उत्पादनांचा दैनंदिन जीवनात वापर नागरिकांच्या आरोग्यासाठी सकारात्मक परिणाम देणारा ठरेल. अशा उपक्रमांच्या माध्यमातून महापालिका नागरिकांपर्यंत सेंद्रिय उत्पादनांचा प्रसार आणि प्रचार करण्यासाठी वचनबद्ध आहे.”
सेंद्रिय उत्पादनांचा प्रचार आणि विक्रीसाठी प्लॅटफॉर्म
या उपक्रमात सेंद्रिय पद्धतीने उत्पादित फळे, भाज्या आणि इतर उत्पादने विक्रीसाठी स्टॉल्स उभारण्यात आले होते. नागरिकांनी या स्टॉल्सला उत्स्फूर्त प्रतिसाद दिला. या उपक्रमातून सेंद्रिय उत्पादनांच्या उपयुक्ततेबाबत जनजागृतीही करण्यात आली.
उत्साहपूर्ण कार्यक्रमांची रेलचेल
कार्यक्रमादरम्यान चित्रकार वैशाली भानसे यांनी महापालिकेच्या वतीने लाईव्ह पेंटिंग सादर केले, ज्याचे अनावरण मान्यवरांच्या हस्ते करण्यात आले. तसेच, उपस्थित नागरिकांसाठी विविध सांस्कृतिक आणि मनोरंजन कार्यक्रमांचे आयोजन करण्यात आले.
-
रणांगण खेळ: छत्रपती शिवाजी महाराजांच्या जीवनावर आधारित खेळ ‘रणांगण’ लहान मुलांपासून महिलांपर्यंत सर्वांनी आनंदाने खेळला.
-
सिंग अलॉंग सत्र: गायक सुस्मित यांच्या गायन कार्यक्रमाने उपस्थित नागरिक आणि तरुणाईला मंत्रमुग्ध केले.
‘फार्मर स्ट्रीट’ला मिळाला यशस्वी प्रतिसाद
