कवरेपेट्टई, चेन्नई – चन्नईजवळ कवरेपेट्टई रेल्वे स्थानकावर गुरुवारी रात्री एक भयंकर अपघात घडला. एका वेगवान एक्स्प्रेसने स्थानकावर उभी असलेल्या दुसऱ्या रेल्वेला धडक दिल्यामुळे 13 डबे रुळावरून घसरले. या अपघातामुळे रेल्वे प्रवाशांमध्ये एकच गोंधळ माजला, आणि दुर्घटनेत अनेक प्रवासी जखमी झाले असल्याची प्राथमिक माहिती मिळत आहे.
रेल्वे प्रशासन आणि आपत्कालीन सेवा तत्काळ घटनास्थळी दाखल झाल्या असून बचाव कार्य सुरू करण्यात आले आहे. अपघातामुळे रेल्वे सेवा मोठ्या प्रमाणावर विस्कळीत झाली आहे, आणि अनेक गाड्या उशीराने धावत आहेत. प्रशासनाने दुर्घटनाग्रस्त प्रवाशांना तातडीने वैद्यकीय मदत पुरवली आहे आणि जखमींना जवळच्या रुग्णालयात हलवले आहे.
अपघाताच्या कारणांबाबत अजूनही अधिकृत माहिती उपलब्ध नाही, परंतु प्राथमिक अंदाजानुसार रेल्वे सिग्नल यंत्रणेमध्ये बिघाड झाल्याची शक्यता व्यक्त केली जात आहे. रेल्वे सुरक्षा विभागाने या प्रकरणाची सखोल चौकशी सुरू केली आहे. या अपघातामुळे रेल्वे प्रवास सुरक्षिततेबद्दल प्रश्नचिन्ह उपस्थित झाले आहे.
दुर्घटनेत मोठ्या प्रमाणात वित्तहानी झाली असून डब्यांचे मोठे नुकसान झाले आहे. तसेच प्रवाशांचे सामान देखील उध्वस्त झाले आहे. रेल्वे अधिकाऱ्यांनी प्रवाशांना संयम बाळगण्याचे आवाहन केले आहे आणि लवकरात लवकर रेल्वे सेवा पूर्ववत करण्यात येईल असे आश्वासन दिले आहे.
रेल्वे मंत्री आणि वरिष्ठ अधिकारी अपघाताच्या ठिकाणी भेट देणार असल्याची माहिती आहे. या अपघातामुळे संपूर्ण देशभरात शोककळा पसरली असून लोकांनी अपघातग्रस्तांच्या परिवारांसाठी सहानुभूती व्यक्त केली आहे.
