पुणे: निर्धास्त पावले टाकत आलेला चोर हडपसरमधील मुलांना गरीब बनवून गेला. चोराने तीन मिनिटांच्या रेकीनंतर पीजीमध्ये राहणाऱ्या मुलाला लुटले. चोराने ४० सेकंदात मोबाईल फोन, लॅपटॉप, ५१ हजार रुपये रोख रक्कम लुटली.
तो घराच्या दरवाज्यावर आला जणू काही ते त्याचं घरचं होतं. एका हातात मोबाईल आणि दुसऱ्या हाताने दरवाजा उघडला. घरात कोणी आहे का ते पाहण्याचा प्रयत्न केला. त्याने कोणालाही हलताना पाहिले नाही. हळूहळू त्याने चप्पल काढून थेट घरात प्रवेश केला. फक्त ३०-४० सेकंदात चोराने आपलं मिशन पूर्ण केलं आणि घरातून निघून गेला. जाताना त्याने दरवाजा हळूच बंद केला. चोराला वाटलं असेल की कोणालाही काही कळालं नाही. पण संपूर्ण घटना इमारतीत लावलेल्या सीसीटीव्हीत कैद झाली.
बॅग, लॅपटॉप, मोबाईल. चोराने फक्त ४० सेकंदात आवश्यक वस्तूंसह पळ काढला. ही धक्कादायक घटना पुण्याच्या हडपसरमध्ये घडली. ही घटना १९ जून रोजी सायंकाळी साडेसातच्या सुमारास घडली.
या इमारतीत काही मुलं पीजीमध्ये राहत होती. घराचा दरवाजा उघडा होता. चोराला संधी मिळाली. हॉलमध्ये कोणी नसल्याचं पाहून चोरांनी मौल्यवान वस्तू चोरल्या. चोरी करण्यापूर्वी चोराने रेकी केल्याचेही उघड झाले आहे. त्यामुळे घरापासून आणि पालकांपासून दूर राहणाऱ्या मुलांनी अधिक सतर्क राहण्याची गरज आहे.
